2017 FIFA Best Player Cu C. Ronaldo Nih A Co: Pukas Laksong Cu Olivier Giroud Nih Aco Ve

Vawlei cung pumpalulh phu (FIFA) pi nih, 2017 caah pumpalulh chuih a thiam bik laksong an tuahmi cu C. Ronaldo nih a co than cang tiah DVB sin in thawng kan don.

Real Madrid FC. ah hmai a kalmi C. Ronaldo nih Barcelona FC hmaikal Messi le PSG hmaikal Nyamar lonh in FIFA a thiam bik laksong a co hi asi.

Kum 32 si cangmi Ronaldo cu 2016-17 pumpalulh caan chungah Real caah Laliga Champion le Champion League ah champion sin dingin a bawmh khawh hna.

Nizan October 23 ah ah FIFA laksong peknak cu Lodon khuapi ah an tuah i; Real FC. in a thiam bik ningchim laksong zong Zidane nih a co ve.

Ni pumpalulh chuih thiam bik ah Netherland hmaikal Lieke Martens nih a co bantuk in nu ningchim a thiam bik ah Netherland ningchim Sarina Wiegman nih a co ve.

Cu bantuk in kawl sut thiam bik laksong (FIFA Puskas) cu Arsenal striker Olivier Giroud nih a co ve.