2018 World Cup Ah Australia An I Tel Kho Cang

World Cup

Kum 60 chungah World Cup ah aa tel kho zungzaltu Italy ram cu Russia ah tuah dingmi 2018 FIFA World Cup ah i tel dingin a voikhatnak an tlak a si. Cu lioah Australia cu 2018 World Cup ah an i tel kho cang lai.

Australia, Sydney Certual ah Australia le Honduras an chuihnak ah Australia nih Honduras cu goal 3-1 in a tei caah Australia cu 2018 World Cup ah i tel dingin fehter cangmi ram 31nak ah a cang.

Goal thlen hlanah an i goal kho veve lo. Goal thlen hnuah Australia team (Socceroos) captain Mile Jedinak, number 15 nih free-kick in a kawlh.

Cu hnuah, penalty voi hnih bak an ngah i Jedinak nih a voihnih ning in a sut i a kawlh than hna. A dongh lai minute cheu hrawngte aa duh bakah Honduras nih Corner an tuah i goal 1 an kawlh ve hna.

Australia rammi hna cu Russia ram ah tuah dingmi 2018 World Cup ah luh khawhnak an hmuhnak cungah an i lawmh ning hi chim awk lei a tha lo. An aukhuan le an hlasak a that ning hi a mak hringhran ko.

World Cup ah Australia aa tel khawh hi 2018 he cun a voi 5nak a si lai. Australia hi 1974, 2006, 2010, le 2014 World Cup ah an rak i tel bel cang.