A Voi 7nk Hero Cup Ah Borhters (FC) Nih Champion An Lak

Chin Ramkulh Khualipi Hakha hram bunh Hero Phu tawl relnak in kum khat voikhat tuah tawnmi 7star Futsal cup pi cu, tuni April 26 ah tluang tein an dih — Champion cu Brother (FC) nih an lak.

Tutan Hero Cup pi ah hin, pumpalulh phu 28 bak nih biatak tein zuamnak he an chuih hna hnu ah, a pa hnihnak cu Bright Star (FC) nih an hmuh tiah kan theih.

Bright Star le Brothers cu Final ah an i cil ciam-mam i, an thiam taktak veve nain Brother lei nih Kawl thlen hnu minute zeimawzat ah khin Kawl khat an vun pek hna i, Bright Star lei nih an cham khawh ti hna lo caah 1-0 in Brother nih Champion an lak hi asi.

Pakhatnak laksawng ah Brothers nih Kyats ting 5 laksong an hmuh i, pahnihnak laksong ah Bright Star nih cun Kyat ting 2 le cheu an hmuh ve.