ARSA: Myanmar Ralzaam Pawl Kirter Thannak Hi Zumh Awk A Si Lo

ARSA

Hmai zarh chungin thawk dingmi Bangladesh um Rohingya ralzaam pawl kirter-thannak kong he pehtlai in Arakan Rohingya Salvation Army (ARSA) nih zumh awk a si lo, Muslim Rohingya pawl hi pupa ram cia ah caan saupi camp chungah hren hna ding an timhmi a si tiah an chim.

Bangladesh le Myanmar hna nih Oct 2016 lio in Bangladesh ah a rak zaammi Rohingya ralzaam 750,000 hrawng cu Myanmar ah tlunter than hna dingin hnatlaknak an tuah i hmai zarh Cawn Nihnihni khin thawk ding a si cang.

 “Rohingya pawl hi an pupa hna ram ah umter than hna loin chikkhat dornak camp chung hrenkhumh hna dingah lih le hrokhrol in kirter thannak hi tuah an timhmi a si”, tiah ARSA nih Twitter ah an tarlangh.

2012 lio tukdohnak lio in Sittwe camp ah umnak ngeilo Rohingya thong tampi umter an si cang, Rohingya ram hmun pawl hi Myanmar nih sehzung le cinthlaknak hmun caah tuah an timhmi a si tiah ARSA nih an chim fawn.

Myanmar nih ‘aa timhmi cu Rakhine chungah Buddhist lawngte umter ding hi a si, cu tikah Rohingya hna hi cu an inn le an lo cia ah hram an bunh kho bal lo tinak khi a si ko’ tiah ARSA nih an chim.

Rohingya ralzaam pawl cu hmai zarh chung khin kirter hna dingin Bangladesh le Myanmar nih hnatlaknak an ngei cang ko nain nihin Bangladesh nih kirternak thawk rih lo dingin a nithla a thawn than.

Ref: AFP