Aung San Suu Kyi Nih Rohingya Muslim Pawl Hi Pumpak In A Ton Hna Awk A Si :UN

Rohingya muslim

Myanmar ralkap kut in hremnak a tuarmi Rohingya muslim pawl hi pumpak hrimhrim in Aung San Suu Kyi nih a ton hna awk a si tiah UN minung covo dirkamhtu phu nih Cawn Nihnihni ah an chim.

Aug 25 ah Rohingya muslim tapung pawl nih tukdohnak an tuahmi lehrulhnak ah Rohingya muslim pawl hi an miphun ning in cihlohnak an tuah tiah UN nih Myanmar ralkap cung sualphawtnak a tuahmi cu Myanmar nih a al chih cang.

Myanmar ralkap pawl cawlcanghnak ruangah Bangladesh ram ah Rohingya ralzaam 480,000 deng an zaam cang tiah UN minung covo dirkamhtu phu in phungthiam 7 nih an chim.

“Pumpak bak in Rohingya pawl hi ton hna dingin Aung San Suu Kyi kan hal”, tiah UN lei phungthiam pawl nih cun an chim.

Hi buaibainak kong ah riantuan dingin Aung San Suu Kyi nih biakamnak a ngeihmi hna, cun phungbuarnak/covo buarnak a tuahtu hna an sual dantatnak kong ah bia an chimmi hna hi a tuah taktakmi a um lo bantuk a si tiah an chim fawn.

Daw Aung San Suu Kyi hi kumpi kum 50 chung ralkap uknak in Myanmar ram pen a si hnuah mipi duhmi cozah uknak a hruaitu le Noble Peace laksawng a cotu zong a si.

Atu bantukin buaibainak a tam chinchin tikah ramchung ramleng in Aung San Suu Kyi cu an mawhchiat i a Noble laksawng tiangin chuh than dingah tlangaunak a um cang.

Ref: The Irrawaddy