Bagan Pura Cungin US Nu A Tla I An Nunnak A Liam

Bagan Pura

Myanmar ah a tlawngmi US rammi nu cu Cawn Nihnihni zaanlei sang ah Pagan khua chung pura pakhat cungin a tla i a nunnak a liam tiah Nyaung-U palik sakhaan in theih a si.

US khualtlawng nu cu pura cungin a tlaknak a lu aa khawng i Nyaung-U sizung in Mandalay sizung leiah kalpi a si lioah a nunnak a dih tiah Department of Archaeology, National Museum and Library i director U Aung Aung Kyaw nih a chim.

“Pura cungah kai bak lo dingin hmun 20 lengah thanhnak ca kan taar cang. Amah hi hman a thlak lioah a tlak hi a si tiah ka theih. A tlaknak pura cung kai hi kan khammi a si”, tiah U Aung Aung Kyaw nih a chim.

Hi US khualtlawng nu hi a kum cu theih a si rih lo, Thiripyisaya Hotel ah aa thummi a si.

Kan hnu thla thawk in khan Shwesandaw Puru cung kai hi khamnak rak tuah a si cang, hi pura hi nitlak lio khua cuanhnak ah aa remnak taktak minthang pakhat a si i ruah a rak sur lioah a tang vawlei a rak cimh ruangah a cung kai kham a rak si.

A hlan ahkhan cun mileng le khualtlawng pawl nitlak lio khua cuanhnak caah pura panga hi rak on a si nain kan hnu kum August lihnih lioah pura tam taktak a rak rawk dih hnu cun nawlngeitu hna nih pura tam deuh cung kai cu an rak kham.

Lihnih a rak can hnu ahkhan cozah nih mileng le khuatlawng pawl khua cuanhnak caah khuacuanhnak inn hmun 3 ah an rak sak i pura cung kai cu thazaang an rak pe hna lo.

Ref: The Irrawaddy