Barcelona FC nih Messi Cu An Thlauh Khawh; Minthut Thar An Thu Cang

Barcelona FC nih an hmaikal pa Argentina rammi Messi he hnatlak minthut thar cu £626million dih bak in an thut than cang tiah DVB sin in thawng kan don.

Messi cu Barcelona FC ah 2021 tiang a um lai i, zarh khat ah £500,000 bak te tangka an pek lai i; minthut man laksong ah pound 80million bak an pek fawn lai.

Messi cu pumpalulh tuanbia chungah a thiam bikmi asi i, tu ah min thut thar zong an thut than khawh caah aa uan-thlainak kong cu Barcelona FC Chairman, Josep Maria Bartomeu nih a chim.

Man City le PSG hna nih auh an duh ve ruangah Barcelona FC nih Messi a kal lonak dingah tu bantuk in minthut man laksong an pek lengah a nihlawh an kaiternak hi asi.

Vawlei cung pumpalulh chuih a thiam bik laksong vawi nga a hmu cangmi Messi cu Barcelona FC ah puai 602 a chuih cang i, kawl 23 khengte a kawl cang.