Chin Miphun Sin Ka Thlacam Cah Tawi

Chin miphun sin ah ka thlacam cah

Chin Miphun Sin Ka Thlacam Cah Tawi

Chin miphun Ule nau hna zaangfahnak tein: Chinram chung i a um liomi, kan Chinram le kan miphun caah lu hloh ngamh le thisen chuah in do a thleng cuahmahmi kan unau hriamtlai CNF/A pasalt’ha le nusalt’ha hna caah thlaza cam hi na thathu hlah(Daithlang hrimhrim hlah). Thlaza campiak zungzal hna mu.

Kan Chinram chung ummi Chinmi le Lei khuaza a ummi Laihritlai dihlak vialte caah, Miphun puitling pakhat kan sinak ralkapbuu le a dikmi dothlennak ah a kan aiawhtu an si bantuk in, hmailei caan zongah hmaisuangtu le t’hihruai khotu an si khawh peng nakhnga thlaza campiak hna mu.

Kan Chinland le kan miphun caah “Dothlen” riant’uannak ahhin na ti khawh ning cio khan biatak tein teima ko. Kan ram ca, kan miphun ca le midang kan unau caah thla na campiak hna i, na tuahpiakmi hna kha Pathian nih an tuahpiak ve lai. Teinak cu Bawipa ta a si bangin Chinram nih zalonnak hi kan hmu te ko lai. Chin miphun na lungdong citcet hlah mu.

Chin miphun Pathian nih thluachuah pe ko seh. Chinram hmun zungzal seh.

Miphun caah thlaza cam zungzaltu,
Salai Thomas Lian Thihlum
Photo: Atu CNA ralkap a t’uan cuahmahmi Bawi Dim Sung, Gracy le Rebecca an si. (Zuk ngeitu:Salai Tialbawiling).

Biakilh: Catial tu hi Salai Thomas Lian a si. Tulio hlasa minthang Salai Bawi Thiang Bik i a chuahpi a unau a si. Chim miphun caah cabia t’hat’ha tampi a kan thawlhpiak tawntu a si. A cungah kan i lawm tizong kan van langhter t’han.

Chin miphun sin ah ka thlacam cah