Chin Ram Ah Vetiver Hramh Kung Sing Khat Leng Cin A Si Cang

Hramh Kung

Chin Ramkulh ah kokek harnak ton a si hnu in Australia um Chin miphun hna nih vawlei a tlaimi, a fehtermi Vetiver hramh kung cu Hakha Kodawn le Bualtak khua ah kung 300 cu cin hramthawk a rak si.

Kumkhat hnu ah Vetiver kung cu a nun caah Chinram ah kung 100,000 renglo cin a si cang.

  1. HBA Kung 2500
  2. HBC Kung 2500
  3. Zion Kung 2500
  4. CARD Kung 2500
  5. Dawrhlun Sang Kung 2500
  6. Khuahlun Sang kung 6600
  7. Tedim Kung 2500
  8. Matupi Kung 1000
  9. RC Khrihfabu Hakha Kung 1200
  10. Hmailei ca ci erhmi Kung 1200 hna hi man lo tein cinter an rak si.

Vice-President Henry Van Thio cu bawmhnak kan rak hal i, a voi khatnak Laitlang a tlawn ah mipi he ton biaruahnak (7th February 2017 ) ah Vetiver Hramh kung hi tampi in Laitlang ah nan cin lai tiah a rak cah hna.

Cu long si loin Naypyidaw Acozah le Laitlang lei Acozah sin zongah Vetiver Hramh a thatnak le tampi cinnak ding kong a rak chim hna.

Atu lioah Myanmar Vetiver Network in U San Win le a hawile nih Surbung Vanlawng Bual ah Vetiver kung Sin Khat (100,000) leng an cin liopi asi. Pu Henry Van Thio nih Australia i Chin miphun hna hi ram le miphun a dawtu nan si tiah a rat kan ti.

Chin Charity Inc. nih survey ah $3000 in $5000 kan rak dih. Kum khat hnuah Australia Chin Federation min in Australia Chin Rescue nih $5000 a rak kan pek i Australia Chin miphun dihlak nih kan rak thawhmi phaisa a si.

Reporting by Renny Ceu L Mang