A Dawtmi Nih Tthen A Tongmi Hna Sin Ah Bia Chim Raalrin Taktak A Hau

dawtmi

Duhmi te he i tthen timi hi a faak taktak mi a si i nungak tlangvaal nih cun a tam deuh cu nan ton cio ko lai dah. Duh mi te nih vun tthen cu chungsi a vaang tuk i um tu zong thiam a si lo .Mah bantuk lio ah na hawi nu hawi pa a lung kuai mi kha hi ti hin va hal hlah.

 An chawn ti lo ma?

Mi a lunglen tuk lio le a lung rawh tuk lio ti nalak ah i lak riangmang i an chawn ti lo ma vun ti cun a thin lung sobul in khenh chih he aa lo ko lai.Mah caah cun na hawinu hawipa a duhmi nih kaltaak mi hna sinah cun an chawn ti lo ma ti cu va hal hrim hrim hlah.

A mah hmanh zeitindah aka kal taak cang hnu cun ka philh khawh lai ti aa zuam lio ah a lungfah nak na bet tu a si lai.A duhmi nih a kal taak cang ah cun a chawnh ti lai lo cu a fiang mi a si ko i hnemh khawh tu i zuam .

 Na philh kho taktak lai maw?

A philh khawh lo zongah philh khawh i zuam kha a hau cangmi ah a cang cang i a philh khawh kha aa zuam khawh chungin i zuam khi a hau cang.Mah i va kal i na philh kho lo maw na ti ah cun a philh deng cang mi zong na thar ter tthan lai.Mah caah cun na philh kho lai maw ? timi nak in a philh khawhnak hnga tu zuam pi.Ruahchan awk a um ti lo mi a si caah .

Na duhmi nih cu nungak he an tlong len tti.

A duh cuk mak buu in a a dawtmi nih a tthen mi a si i a kal taak mi a si tikah a lungfaak tuk ko lai.Kan duh mi hna cu ho he hmanh um tti kal tti cu kan duh lo .Nain an nih cu a kal taak cang caah a duhmi nu pa he an tlong leng cang ko lai caah na dawtmi cu mi he an i kawm an tlong leng tti ti cu va chim  hrim hrim hlah.A lung kuai chin chin lai.

A kal taak tu nu pa cu midang he an tlon len tti na hmuh ko zongah na hmur kha i sum ko law a hna ngam nak aa nawmh hnga nak tu kawl piak i zuam ko. Minih ngaihchiat lunglen an ton tikah a hawikom sinin a chuak mi bia hna hi an biapi tuk .Cu caah a hawi a si mi nangmah kha na biapi tuk ti i philh hlah law chim lo ding le a lungfah ter chin ding bia cu chim i sum ko.

Shewmom