Hringtu Pa Pakhat Nih A Fanu A Chimhhrin Ning Bia Phun (10)

fimnak

Biathuk lawng te an hman mi asi caah Number 1 in 10 tiang a bia sullam kha tanglei ah kan rak langhter chih hna, 

(1) Inn chung mei leng ah chuah ter hlah

(2) A leng mei inn chung ah luh ter hlah

(3) An pe tthan hnga mi lawng va pe hna

(4) An pe hnga lomi cu va pe hna hlah

(5) Pek awk tlak kha va pe law va tthen hna

(6) A rum ngaimi bantuk in tthu dir

(7) A rum ngaimi bantuk in ei

(8) A rum ngai mi bantukin i hngilh

(9) Mei kha ttha tein zohkhenh

(10) Chungkhar alu bik kha upatnak pe

A tanglei hi a bia sullam an si hna

(1) Inn chung mei leng ah chuah ter hlah ti a sullam cu” Inn chungkhar buai bainak paoh paoh kha lengah chuah ter in phozar hlah ti a chim duhnak a si.

(2) A leng mei inn chung ah luh ter hlah ti a sullam cu” A leng i na tonmi buai bainak hna kha inn chungkhar ah luh pi hlah, Cawh burh hlah ti a chim duhnak a si.

(3) An pe tthan hnga mi lawng va pe ti a sullam cu” Thil pakhat an in hlan a si lo ah, Tangka an in cawi tik ah na hal khawh tthan hngami lawng va cawih hna ti a chim duhnak a si.

(4) An pe hnga lomi cu va pe hlah ti a sullam cu” Thil pakhat khat an hlan cawi tik ah na hal khawh ti hnga lomi minung cu va cawih hna hlah ti a chim duhnak a si.

(5) Pek awk tlak kha va pe ti a sullam cu” Na cingla rualchan hna chung in a harsa i a tlamtling lomi hna kha ruahchannak pakhat hmanh tel loin va bawm hna va zohkhenh hna ti a chim duhnak a si.

(6) A rum ngaimi bantuk in tthu dir ti a sullam cu” Na pasal cun a chungkhar hringtu a nu le pa hna nih chim ceih phai na ton hnga lo nak hmun te ah tthut um zia thiam ti a chim duhnak a si.

(7) A rum ngaimi bantukin ei ding ti a sullam cu” Hringtu na nu le pa cun na pasal i a nu le pa cun na pasal rawl an ei khawh hnu lawngah na ei din ding a si ti a chim duhnak a si.

(8) A rum ngaimi bantukin i hngilh ti a sullam cu” Na pasal cun hringtu nu le pa inn chungkhar herhhai na tuah khawh dih hnu lawngah it law i hngilh ti a chim duhnak a si.

(9) Mei kha ttha tein zohkhenh ti a sullam cu” A bikin na pasal i hringtu a nu le pa hna kha ttha tein zohkhen hna ti a chim duhnak a si.

(10) Inn chungkhar a lu bik kha upatnak pe ti a sullam cu” Na pasal kha ttha tein zohkhenh law upatnak pe ti a chim duhnak a si.

CanWait2Say