“Ka Nu caah Rose Pangpar”

ka nu

Tlangval pa cu khuate ah a ummi a nu caah a thlite in rose pangpar kuat ding ah aa timh. A mawtaw cu aa lak i Rose pangpar dawr lei cu a mawngh thluahmah. Dawr i inn kaa pawng te ah minu pakhat a tap lio mi a hmuh. Cu tikah “ zeidah na cang, kan bawmh khawh ding a um ahcun kan bawmh lai” tiah a chawnh. Minu nih “ka nu caah rose pangpar cawk ka duh i ka tangkaa nih a deih lo caah ka ngeihchia tuk le ka tap” tiah aleh.

Tlangvalpa te nih cun “kei zong rose cawk ding ah kaa timh, kan cawk tti lai, ka ti khawhtawk kan bawmh lai” tiah minu cu dawr chungah cun a lut pi. An cawk hnu ah Tlangvalpa nih ” na nu sin ahcun ka mawtaw in kan thlah lawlaw lai kai ve ko ” tiah a ti tik ah lunglawmhnak mithmai he cun minu i a nu sin lei ahcun an kal. An phak tik ah tlangval pa cu a lau tuk. Minu nih cun rose pangpar te cu vawlei a cin pahnawn mi ahcun a chiah i a nu thlan cu thiang tein a tuah piak.

Minu: “Ka nu Rose pangpar na duh tukmi kan put. Na sin ka ra kho ballo caah ka ngaithiam . Kan ngai tuk. Kan hlam tuk ka nu . Kan dawt tuk ka nu……”

Cun tlangval pa cu a nu caah thlitein Rose pangpar kuat ding timhtuahnak kha a hrawh than (cancel) a tuah ter hna. Rose pangpar sen cu a cawk I meng tampi aa hlat mi a nu inn lei panh in mawtaw cu a mawngh thluahmah………

Note: Kan caan hi a tawi tuk. Kan caan tha hi an dawtu hna caah kan tlai hlanah caan pek khawh i zuam hna u sih. Chungkhar nakin a biapi deuh mi thil dang a um lo.

Reff: Sui Li Par

Mandalay Computer University

1:39 PM

28/2/1018