Lainawn Sual In Myanmar Pa Thihdan Pek A Tong Kho Men

Myanmar pa

Myanmar rammi pa, kum 28 cu lainawn sual in tlaih a si i nizaan ahkhan Biaceih Zung ah tazacuai a si tiah theih a si.

Hi Myanmar pa, a min Sai Min cu naite ahkhan Jalan Argyll i dawr inn pakhat ah minung pahnih a thah hna caah Biaceihtu L. Umma Devi hmaiah chuahpi a si.

Sai Min lei in zeihmanh nawlnak tuahmi a um rih lo ti a si, tazacuaitu Sihni hi Deputy Public Prosecutor (DPP) Nurul Fatin Hussain a si.

Hi Myanmar nihhin zaanlei sml 4: 30 le 5: 30 karlak ah Jalan Argyll i dawr inn- dot 1nak ah Sarbudeen Shikander, kum 72 le Senni Jalaludeen, kum 48 cu namte in a sawh hna i a thah hna ti a si.

Sai Min cu Section 302 lainawn sual in tazacuai a si i a sualnak hmuh a si ko ahcun thihdan pek khawh a si.

Tazacuainak ca cu an relpiak tikah Sai Min cu a lu a su khawh menmen khi a si. Biaceihtu Umma Devi nih cun Oct 9 ah a biaceih than dingin a ni a khiahpiak.

Ref: NST