Licence Ningcang Loin Mawtaw A Mawngmi Ramdangmi Tlaih Cuahmah An Si

Licence

Licence Ningcanglo Mawtaw Mawng Ramdangmi Tlaih An Si Cuahmah

KUALA LUMPUR: Road Transport Department (RSD) nih Malaysia ram ah licence ningcang loin mawtaw a mawngmi ramdangmi 60,000 cu tlaih dih dingin an i zuam cuahmah lio a si. Licence ningcang loin mawtaw a mawngmi pawl ahhin UNHCR card aa tlaihmi zong an tampi tiah theih a si.

 

Ramdangmi pawl hi licence ningcang loin lorry, bus ti bantuk pawl an mawngh hi hmuh le theih a si cang. “Ningcanglo ramdangmi mawtaw mawngtu pawl hi tlaih an si ahcun “Lam lei Phung Dal 64 (1)” ningin an mawtaw kan chuh hna lai i an rianngeitu (boss) hna zong dantat an si lai”, tiah RTD director Datuk Md Ziki nih a chim.

Hi bantuk ningcanglo mawtaw mawnghnak kong hi kum 2014 ah 136, 437 theih a si i kan hnu kum ahkhan 55, 262 a si. Kan hnu kum November chungah phungning loin ramdangmi nih an mawnghmi sianginn mawtaw (van) le hmunthur hlonh mawtaw 18 kan tlaih hna tiah Md Ziki nih a chim chih.

Hi bantuk phungninglo ramdangmi mawtaw mawngtu pawl hi innsaknak (construction) hmunhma ah an tambik tiah theih a si.