Lung Zawtnak In Kan Luatnak Hnga I Ralrin Awk Thil Pawl

lung zawtnak

Lung (နလုံး) zawtnak hi a poi kho tak tak mi zawtnak pakhat asi. Kan ram chung zong ah a tam ngai ngai .Lung zawtnak a ngei mi hna cu an thin hun zongah an zawtnak a tho i an i lawmh tuk te hna zongah an zawtnak a tho tawn.

Sianginn a kai mi hna caah cun an ca cawnnak ah hna hnok ngai le dawnkham tu ngaingai a si .   Cun nu le hna ca zong ah kan dam lo ah cun fale an herh ning in kan cawm in kan zohkhenh kho hna lo. Cu caah cun kan lung zong hi a dam bak a hau.

Kan lung a dam khawhnak ding ah a tang lei hna hi kan hrial a hau.

Cite tamtuk ei hi kan hrial a hau. Cite hi a al mi a si i tamtuk kan ei ah cun kan lung caah a ttha lo i lungzawtnak a phor tu a si .Cu caah kan meh hang hna ah khin  cite tam tuk hman lo ah a ttha . A thlum mi le a al mi dang dang zong hrial a hau.A thlum tuk mi ti bantuk le a al mi hna zong hi kan hrial lo i duh paoh in kan awr nih a duh pat tiah kan ram tuk ah cun kan lung caah raal an rak si ve.

Lungre theih awk thil ruat tuk hlah.Minung kan si tikah kan lungre theih mi thil tampi a um cio lai.Cu kan lung re theihnak nih cun kan nenh hlah seh .Nuam tein um khawh i zuam .Na lungretheihnak naa tei ter tuk ah cun na lung cu a rawk colh ko lai.

Zu le kuak hmang hlah, Kan lung caah raal ttih nung tak a si mi cu zu le kuak hi an si .Zu le kuak kan hman tikah kan chaw va a dih ,kan caan a dih kan sining a hrawh lengah kan lung zong a hrawh.

A thau tamtuk mi ei hlah.Vok sa te hna duh tawk in ei tibantuk le a thau mi dang dang chiti tam tuk ei ti te hna hrial bak ko. Kan ngandamnak caah hin kan mah nih kan i kilven lo ah cun minih an rak kan tuah piak lai lo.Kan dam lo tikah kan mah pum a faak .Mah caah cun lung zawtnak in  a luat mi si rak i zuam cio hna u sih.

kumudra