Malaysia Ah A Ruak In Myanmar Pa Cu A Nupi Nih A Hmuh

Myanmar

Sungai Puyu, Butterworth, Malaysia ah Myanmar pa pakhat cu an umnak inn chungah a nupi nih a thih hnuah a ruak in a hmuh tiah theih a si.

A nupi nih a vapa ruak a hmuh hi nizaan zinglei sml 10 ahkhan a si i Myanmar pa cu a hmai vialte thi in a rak khat dih, cun a takpum zong ah hma tampi a pu.

Hi a thimi pa hi caan zeimawzat inn chuak loin a um hnuah nizaan zaanlei sml 7: 00 ah inn ah a rak tin than hi a si tiah Seberang Perai Utara peng, palik bawi chang Noorzainv Mohd Noor nih a chim.

“A nupi zong hi ramdangmi a si ve. Ka vapa inn a rak tin lioah hin thi le hnai he a si i keimah zong velh a ka timh tiah a nupi nih cun a chim”.

“Kum 26 a simi a nupi cu a vapa a tih ruangah cu zaan cu a innpa inn ah a riak. Zinglei ah a nupi a rak tin ahcun a vapa a thaw a rak um ti lo cu a hmuh hi a si”, tiah palik bawi chang Noorzainv nih cun a chim.

Hi Myanmar a thihnak kong he pehtlai in palik nih hlathlainak an tuah cuahmah lio a si i aho ruang le mizei kut in a thih cu theih a si rih lo.

Ref: NST