Malaysia Ah Hri Awk In Chin Pa A Nunnak A Liam

Chin

Nihin zinglei sml 11: 30 hrawngah Pu Moe Dung cu Malaysia, Manjung khua a umnak ah hri awk in a nunnak a liam tiah theih a si. Pu Moe Dung hi Laitlang lei Khuahrang khuami a si i Malaysia ah 2014 kum ah a phanmi a si. Amah hi UN card zong a hmu rih lo i ACR card he Manjung ah khua a sami a si.

Hri in aa awknak hmun hi tikholhnak khaan ah a si i a nun khamh manh loin a ruak cu hmuh a si. Nihin kha palik nih a ruak cu an laak i a rauh hlanah khuami hna le khrihfabu hna nih a ruak vui dingin an timhtuah liopi a si.

Khuami nih an chim ning ahcun Pu Moe Dung hi lunglei in zawtnak a ngeihnak a sau pah cang ti a si. Amah hi chungkhar ngeimi a si i a fa pakhat le a nupi cu Tanbo khua ah an um ti a si. Malaysia ah lungdongh le sivangh ruangah mah le mah nunnak aa lami Chinmi hi an tlawmte ti lo. Tantaakmi chungkhar hna cungah an ngaihchiatnak kan hrawmpi hna. Pathian nih hnem hram ko hna seh ti hi kan thlacam a si.