Malaysia Ah Mithattu Tiah Lunghrinhmi Myanmar Pa Tlaih A Tong

Myanmar

KUALA LUMPUR: Malaysia ram, Kajang i hotel pakhat ah nu pakhat a thattu tiah lunghrinhmi Myanmar pa cu Hotel signboard hnulei ah suimilam 4 deng aa thuh hnuah palik nih an tlaih khawh than.

Hi Myanmar pa cu tlaih tih ah Hotel thlalawngawng cung i signboard hnulei ah aa thup chih len nain palik nih an hmuh khawh i an tlaih thiamthiam.

Kan hnuzarh Cawn Nili zaan ahkhan nu pakhat a thah tiah lunghrinh a si caah atu bantukin hi Myanmar pa cu an hlathlai liopi a si.

Hotel innkhan chungah a thi le a hnai he a thimi nu cu hmuh a si. A paw le a taang ah nam sawhnak hma tlawmpal an um, cun a orhlei baan zong ah hliamhma a um tiah Kajang palik bawi changtu Ahmad Dzaffir Mohd Yussof nih a chim.

 “A sawhnak nam a si lai tiah zumhmi coka chung hmanmi nam pakhat hi a thimi nu ruak pawngah kan hmuh. Thah a tongmi nu zong cu ramdangmi a si i Cawn Nihnihni inkhan hotel ah a ummi a si”, tiah Ahmad Dzaffir nih cun a chim chih.

A thattu Myanmar pa cu aa thuhnak hmun in thumh dingah meithat zung bawmh hal an si i cu hnuah tazacuai dingin tlaih a si. Atu hi zarh khat chung cu palik sinah hren a si i biaceih zung ah chuahpi a si te lai.

Ref: The Star