Malaysia Phungninglo Myanmar 1700 Cu Thla 2 Chungah Rianṭuannak Catlap Pek Ding

phungninglo Myanmar

Rianṭuan dingin Malaysia ah a ra i phungning loin a hleihluat um (overstay) pawl cu phungning rianṭuannak catlap (work permit) an tuahpiak cuahmah hna.

A tangmi 1700 leng hi thla 2 chungah phungning rianṭuannak catlap kan tuahpiak dih hna lai tiah Diamond Place Service company Director U Ting Tan nih June 26 ah a chim.

Malaysia le Myanmar cozah lungtlinnak in Malaysia i phungninglo Myanmar rianṭuan pawl phungning rianṭuannak catlap cu Diamond Place Service nih ṭuanvo lakmi a si, i mah kong thawngfianhnak cu June 26, Park Royal hotel ah an tuah.

Rianṭuan pawl rianṭuannak catlap (work permit) cu July 29 hlan ah tuahpiak khawh dih kan in zuam hna lai tiah U Ting Tan nih a chim.

Malaysia um phungning lo Myanmar pawl chungah rianṭuannak catlap a rak soktu cu minung 6000 leng an si i Malaysia cozah nih minung 4500 hrawng cu rianṭuannak catlap a pek cang hna, 1700 hrawng an tang rih tiah Ting Tan nih a chim.

Rianṭuannak catlap a soktu pawl cu Malaysia cozah nih ri a khiahmi an tlinh lo ahcun ni 14 chungah Myanmar ram ah kuat an si.

ΓMalaysia Cozah Nih Myanmar 4,900 Cu Myanmar Ah A Kuat Hna⌋