Myanmar: Rohingya Ralzaam Pawl Kan Kirter Than Hrimhrim Hna Ko Lai

Rohingya

Cawn Nihnihni ahkhan zarh 2 chung hrawngah Rohingya ralzaam thong tampi cu Myanmar ah anmah lungtho tein le him tein kirter an si ko lai tiah United Nations (UN) sinah Myanmar ram aiawh Htin Lynn nih a chim.

Rohingya ralzaam pawl kirter thannak kong ah Bangladesh he hmun khat ah riantuantinak kan ngei lai, himnak pek an si ko lai tiah UN Human Rights Council ah U Htin Lynn nih a chim.

UN caah Myanmar aiawhtu U Htin Lynn nih cun Geneva i tuahmi Human Rights Council tonbiaruahnak ah umnak ngei lo ralzaam pawl cu hmunhma khuarpiak an si ko lai tiah a chim.

U Htin Lynn nih cun  ‘Rohingya pawl’ tiah an min dengte chim loin umnak ngei lomi ralzaam vialte hmunhma khuarpiaknak le mah lungtho te le him te le ningcang tlai tein zungzal a hmun dingin ralzaam pawl kirter thannak cu Myanmar nih thawk dingin timhcia (ready) a si ko tiah a chim.

Cun, U Htin Lynn nih a chim chapmi cu “camp ah umter timi a um lai lo, thate le him tein hmunhma khuarpiak an si ko lai”, tiah a chim.

Ref: Reuters