Noodles Einak Nih Nan Nunnak Caah Tihnung In An Chiah Khawh

khoh suai

Korea ram ah ready make / Instant Noodles (khoh suai) a eituk mi nupawl cu takpumsa zawtnak he a pehtlai mi damlonak pawl hi a hlei in an ngeikhun tiah Harvard University Ngandamnak lei ah hlathlainak a tuahmi nih an humh tiah Washington post nih a tial .

Mah khohsuai / noodles einak nih a chuahpi mi  damlonak pawl cu thikai zawtnak , zunthlum zawtnak , lung zawtnak, Kalfah zawtnak le lephiat zawtnak ti bantuk pawl hi chuahpi mi cu a si.

Tuahcia mi fawi tein eikhawh mi (khoh suai) pawl cu ei tikah an thawngai cun a canlak in chuanlen zong an hau lo caah rianrang te in  eidinkhawh mi tirawl a si caah  a remngai . A sinain sodium dat a tamtuk caah taksa damlonak he a pehtlaimi thaunak / A si-dat pawl a tel i kan pum caah tihnungmi ngandamloak tampi a chuahpi an ti caah hlathlainak a tuahmi pawl nih ei lo ding in ralrinpek nak an chim.

Mah hlathlainak caah hin thlanglei korea miphun kum 19 in kum 64 karlak minung 11000 sin ah hlathlainak le biahalnak an tuah mi a si . Zarhkhat ah voi 2 nak tam deuh Instant No0dles (khoh suai) a ei mi nupawl cu lungzawtnak, zunthlum zawtnak , Kalzawt nak ti bantuk pawl hi fawideuh in an ngeikhun tiah an chim.

Kan hnu kum ahkhan ram 52 nih  Instant Noddles (khoh suai) hi 97.7 billion lengbak an serchuah i an zuar , Chinna le Hongkong hna hi  a tambik an ei mi ram an si i, mahhnu ahcun Indonesia nih a hun zulh ve tiah theih a si.

DVB