Parliament (upadi sertu) chungah Ralkap an i telnak Ram zeizatdah an um?

ralkap

Parliament (upadi sertu) chungah Ralkap an i telnak Ram zeizatdah an um? Ramhnih an um.

Phunghram tampi ah ralkap nih anmah rian asimi an tuan thiamnak ding caah an tuanvo fiang tein an langhter than. Ramkhel kong ah an i thlaknak hnga lo zong a langhter ton. South African Phunghram (section 198-210) nih ram pumpi humhimnak cun parliament le national executive nawlngeihnak tangah a um lai.

Vawleicung phunghram 189 chungah Myanmar ram chimlo in upadi sernak parliament chungah ralkap tuanvo peknak kan hmuh khawhmi ram pakhat te lawnglawng a um. Cu ram cu Uganda ram a si. Ungandan Parliament chungah a tu lawlawse Myanmar ram ralkap bantukin tuanvo pekmi ralkap 10 an um ve.

Cu ralkap pa 10 hna Ugandan ralkap nih tuanvo a pekmi hna an si. Asinain phunghram remhnak caah Myanmar ram bantukin veto tling thazang an ngei lo. British House of Lords hi mipi nih thimmi silo in (appoint) tuanvo pekmi an si. Cuaah House of Common nih upadi a chuahpi mi a duh lo ahcun kumkhat chung (delay) kalter khawh lo in a tuah khawh nain kum khat hnu cun House of Lords a lung a tlin lo zong ah House of Common nih upadi caah fehter khawhnak nawl a ngei cang (Patel et al 3-20).

Salai Thawng Za Pum