President Trump Tlonlennak Hmun Pawl Ah Rithaisii In A Thimi An Karh

Rithaisii

President Trump nih New Hampshire cu “rithaisii a tam biknak hmun” tiah a rak soisel bal. Asianin, a liamcia Cawn Nilini ahkhan U.S cozah nih rithaisi hman in a thimi an tam biknak le a hmangtu an karh biknak hmun cu an langhter tikah President Trump nih ka khua, ka chuahnak hmun a timi Washington D.C, New York City, le Florida hna an si tiah NBC nih an langhter.

Center for Disease Control and Prevention nih an hmuh mi cu thla 12 chungah District of Columbia ah rithaisii in a thi mi hi 114.3% (161 in 345) in a karh/kai, Trump umnak New York City ahcun 35.7% (1,076 in 1460) a thimi hi a karh ti a si.

Cun Florida, Mar-a-Lago -Trump umnak hmun thiamthiam ah 45.7% (3596 in 5241) a thi mi a karh ti a si fawn.

Adang rithaisii pawl lawng hmanh si loin, opioid timi ping nihhin ngol loin minung hi a thah peng rih hna ti zong theih chih a si.

Ohio ah heroin (ping rang) in a thimi hi 34.6% (3542 in 4769) in a karh ve ti a si. Cun Pennsylvania ahhin a thimi hi 39.6% a kai ti a si fawn. West Virginia ah 22.9% (757 in 930) a karh  ve ti a si.

New Hampshire tu hi US chungah kum khat chungah rithaisii in minung a thimi a tum biknak le a tlawm biknak hmun (state) tu a si tiah theih asi.

Cun, rithaisii in a thimi an tlawmnak, a tumnak hmun hna cu California, Hawaii, Mississippi, Nebraska, New Mexico, Oregon, Utah, Washington le Wyoming hi an si tiah an langhter.

Ref: NBC

Biasiaherh: Zei ruangah dah hi thawngpang hi Laimi nih kan theih a herh? Ram tha ah kan um kan ti nain nulepa hna nih kan fale hi bantuk rithaisii an tongh ve lo dingah kan ven hna a herh.

Kan fale hi bantuk rithaisii nih a suai hna nakhnga lo kan i ralrin hna zong a herh. Rithaisii in a thimi ah kan Laimi, kan fale an i tel ve sual nakhnga lo kan ven hna a herh.

Zeicahtiah, sianginn an kainak khaan chung hmanh ah ritsii pawl hi fawi tuk in cawk khawh mi a si. Cu tluk fawi in cawkmi rithaisii nih kan nunnak a lak sual nakhnga lo nulepa nih fale cungah rian nganpi kan ngei.

Reporting by Mercy Van Nun Par