Ralrin Ding: Laimi Nih Kan Hman Bak Mi Asi Kum 3 Thongthlak Kan I Huah Te Sual Lai

online

Social Media a hmang mi poh  nih kan theihherh taktak mi phunglam (law) pohmah 66 kong hi a tawifiannak te in kan hun langhter lai. Social media hi ningcang lo in kan hman ahcun pohmah 66 charchanh in kumthum chung thongthlak khawh kan si, tangka in dantatnak pek khawh kan si a silole thongthlak le phaisa liamter ti in a pahnih in dantatnak ingtuar khawh asi.

Pohmah 66 ah zeibantuk pawl dah an i tel zoh hna usih, pohmah 66 (a) hi zoh tik ah Online in Mipi he pehtliahnak ah kan hman mi  pawl hi kan mah nawl tel lo in mah duh te in rak luh in hnahnawhnak tuah le thil sining thlennawn asilo ah hrawh piak, ti bantuk hna atel, tahcuhnak ah Facebook le Gmail account ah a thilte in rak lut in duh ning poh in tuah, na account pawl fir piak i password thlen ti bantuk hi a tel mi an si. Hi ruang ah kumthum chung thongthlak khawh na si.

Pohmah 66 (C ) social media hmang in tangka le thilhri fir, mi hlen hna, ningcang lo in miak nak kawl ti bantuk an i tel hna, tahcuhnak ah Online shopping in mi tangka hlen hman ti bantuk hi an si.

Pohmah 66 ( D ) social media hmang in mi therhkhawn hman, Mi neknak tuah ningcang lo in mualpoh nak tuah le hnahnawh pek ti bantuk na tuah ahcun thongthlak khawh na si. Tahchuhnak ah Facebook hmang in mi pakhat khat kan vulhpamh hna, mention in kan tuah hna i bia chiakha in kan vulhpamh hna.

Pumpak nawl ngeihtu hal ta lo in kan mah nawlte in hmanthlak kan tar a dik lo mi kan tial, hrawhral duhnak thinlung he midang kan va Tag  hna. Cun mi thangchiat duh ruah ah mi nih rak tar mi post kha  By Name bak in screen shot kan tuah i kan tar than i share kan tuah mi te hna hi thongthlak khawh kan si. Ningcang lo in photo comment kan tuah mi te hna  khi ingtuar tu pumpak nih tazacuai hau lo in lenglei mi minung sawhsawh nih a duh ahcun kum 3 tiang thongthlak khawh na si.

Screen Shot na tar mi kha tet-te hmang in thongthlak khawh colh na si, cu caah pohmah 66 (D) nak kan zoh tik ahhin laimi tampi le miphun dang  tampi nih kan tuah cuahmah mi thil an si hna fawituk in mi nih tazacuai khawh le thongthlak khawh kan si timi theih kan herh ngaingai, cu caah kan i ralring lo ahcun hmailei ah cun phungning in seh kan tawlrel ko ti caan a phan te lai a herh lo ah thongthlak nih an huah ve sual lai.

Rak Share Ve

ဥပဒေ ပညာရပ် )