Rampi Ruahnak Petu Daw Aung San Suu Kyi cu Singapore ah Lecture A Pe Lai

Kawlram pumpi ruahnak petu Daw Aung San Suu Kyi cu a ra laimi August 21 ah, Singapore Lecture tiah auhmi phunglam lei bia chimnak a ngei lai tiah VOA Burmese nih a tial.

“Kawlram Democracy lei thlennak ah Zuam Cawhtu le Hmailei Khual-lam” timi tlangtar tang hmangin suimilam pakhat chung bia a chim lai.

Kawlram caan in 1:45PM in bia chim hram a thok lai i, 2:45PM tiang a chim lai tiah, tawlreltu Yusof Ishak Institute tuag auhmi Nichuah Thlang Asia, ISEAS nih sawmnak ca an chuahmi nih a langhter.

Tutan tuah dingmi Singapore Lecture hi a voi 43nk asi lai; voi 42nk ah khan cun South Korea President Moon Jae-in nih a rak chim.

ISEAS Institute hi Singapore Hluttaw nih tha tein upadi ning tein an rak dirhmi asi i, ASEAN ram chung zatlang nun, ramkhel, chawl-khel, humhimnak lei le thanchonak lei a dot-hlat tu phu an si.

—- VOA Burmese