Rilpi Cancer Hi Zeibantuk Minung Sinah Dah  A Chuah A Tam

cancer

Rilpi cancer hi a tu chan ah kan in tuar ngai mi le kan thih loh nak a ruang chungah aa tel ngaimi zawtnak phun khat a si . Rilpi cancer hi kan zoh tikah kum kum upa deuh pawl sinah hin kan hmuh deuh khun.Kum no deuh te te nih rilpi cancer in a thi a zaw tihi a um tuk lo kum upa deuh sin ah a chuak tawn mi zawtnak a si .

Rilpi ah le tol par te ah a bo mi a ngei bal mi hna sin zongah a chuak kho ngai, Cun rilpi cancer cu ciruang zongin a ra mi a si .Nan pi nan pu chan ah rilpi cancer a ngei mi an rak si ah cun nan ciruang chungah cu bantuk in zulh peh a um kho .Cu caah cunnan paw a fah pah te hna ah cun i thlop colh ah a ttha .

Cun a tlor naal mi tamtuk ei zonghi rilpi cancer chuah khawh a si ve.Sa em mi ,a kaang cang mi ,a uih mi te hna ei zong khi rilpi cancer chuah khawh a si . Kan nih chin mi cu buh caak hna a duh mi le rawh mi rumro le a ro tein kio mi hna a duh mi kan tamtuk tikah hin kan pawpi caah raal an rak si ngai . cawlcangh a tlawm tuk mi hna zong hi a rak ttha lo .Kan rawl rial a tthat ter lo .Cun rawl ei dihka bak ah lothlawh colh cawlcangh colh te hna zonghi ttih a nung ngai ve.

Zun thlum zawtnak a ngei mi hna le a thau mi a ei tuk mi hna ca zongah hin cancer sinak ah a lam a rak tam deuh . Cun kuak a zuu mi le zuu a dingmi hna sin ah hin rilpi cancer chuah a fawi .Zuu dinnak le kuakzuk nak nih cun na chungril dang dang zong a hrawh lengah na rilpi cancer zong a chuah ter khawh mi a si . Cu caah kan si hlan te in i raal ring tein um i kan eidin hna zong hi i ralrin ngaingai in eidin le tuak taan kan hau ko.

dry myanmar .com