Rocker BJ Fak Ngai In Ai Hliam

Rocker BJ ai hliam

Rocker BJ Fak Ngai In Ai Hliam

Chin rocker minthang taktak kan i neihmi Bj (Benjamin Tluang Za Thang) cu nizan tihni ah Beech Grove ah ‘ ONE MAN SHOw’ in hlasaknak Show a tuah. Mah show ah tuahnak ah Pangtar (Poster) an tuahmi an va phong i Arhlei in a tlak caah tuhi Emergency in siizung ah an kalpi. A innchung nu nih a chimnak ahcun a tlak hnu minute 20 hrawng cu zeihmanh thei loin a um i a kaa le a hnar in thisen tam ngai a chuak a ti. Cun a hnar ruh zong a kiak fawn culawng siloin a khup ruh zong ai khawng tiah, a chim. Thlacamnak in rak bawmchan cio hna usih.

An nu nih a Facebook Wall ah a post mi Falam caholh in a tanglei ah ka vun chiahchih.
“Kan pa A one man show tuah nak poster tuni kan va phong ih,a kai nak kai li lawn in a tlak ih, emergency in si zung ah kan tlan cih minungte 20 sung hrawng cu ziang hman a thei lo ih a kaa leh a hnar in thisen tam tuk a suak,a hnar ruh a kiak ih a khuk leh a kut ruh a khawng ngah, tucu a zia um deuh,thla cam nak in in rak bawm hram uh tiah,a mah a duhdawt tu a mipi hnen ah kan lo ngen😭😢”

Tling deuh in theihchap a duhmi caah: Chin hlasak thiam minthang BJ ti ah kan theih tawnmi , Benjamin Tluang Za Thang i a tuahmi  “One Man Show” October 28, 2017 ah US Chin Khawlipi tiah theih mi Indianapolis ah a tuahnak hi a vii 2nak a tuah a si. A voi 1nk “BJ One Men Show” cu 2016 ah Michigan ah a rak tuah bal.

BJ cu Chin Rock siangpahrang tiah kawhmi Solomon Menrihai i a naupa a si. Solomon Menrihai cu,  Pathian kawh-auhnak thawngin vawlei hla (secular song) sak ti lo in Pathian hla lawng a sa cangmi le Pathian hrangah biatak tein a cawlcang liomi a si.

 

Rocker BJ8Rocker BJ ai hliamBj