Rohingya Ralzaam Camp Ah Lemcang Michelle Yeoh A Tlawng; PM Najib A Thangthat

Ralzaam

UN Palai pakhat a simi lemcang minthang Tan Sri Michelle Yeoh cu Rohingya ralzaam camp ah a tlawng i Malaysia Prime Minister Najib le a cozah cungah Rohingya ralzaam pawl an bawmhnak hna kong he pehtlai in a thangthat hna.

PM Najib le Malaysia nih Rohingya pawl kong he pehtlai in thil tha tampi an tuah cang bantukin ram innpa a simi Malaysia nih Myanmar ram chung harnak in a zaammi Rohingya ralzaam pawl an bawmh hna ding hi a biapi tuk tiah Michelle nih cun a chim.

 “PM Najib nih ram innpa tha pakhat dirhmun in Rohingya pawl kong ah an cawlcanghnak hi lawmh awk tuk a si”.

“United Arab Emirates (UAE), le Saudi Arabia he hmun khat ah tanti in Bangladesh cozah he riantuantinak tampi a langhter cang. Lawmh awk ngaingai a si”, tiah Najib a thangthatnak kong cu thawngla pawl sinah Michelle nih a chim.

“Rohingya pawl caah kan dir ding hi a biapi tuk, zeicahtiah Rohingya pawl i an tonmi hi ruah khawh lomi thil a si i ngaihchiat awk ngaingai a si. Hi bantuk hi an ton hrimhrim awk a si lo. Hi bantuk thil hi aho hmanh nih an ton awk a si lo. Minung covo hi an tem ve awk a si”, tiah Michelle nih a chim.

Michelle Yeoh nih Bangladesh ram i Rohingya ralzaam pawl dornak camp a tlawnnak hi Ralkap bawi Jen Tan Sri Raja Mohamed Affandi Raja Mo­ham­med Noor hruaimi Malaysia ram aiawh in a si.

Ref: NST