Simon Sang Hre: Melbourne Le Sydney Ah Ralzaam Phak A Har Cang Lai

Ralzaam Phak

Melbourne le Sydney ah Ralzaam phak a har cang lai. Kawlram a um ko mi Malaysia ah auh riangmang i sponsorship tuah hi kan ngol a hau tiah Simon Sang Hre nih a Facebook cahmai ah a tial.

A tialmi cu atanglei bantukin a si i Chinmi vialte nih kan theih awkah a herh ngaimi a si tiah kan ruah caah kan rak hrawmh chin ve hna.

Melbourne le Sydney cu minung kan tam chin lengmang. Motor a tam chin lengmang tikah Cozahpi nih zeitindah mah buaibainak hi kan phisin ning a si lai tiah faak piin ceihkhannak an ngei. Zapi zaran he an hmuhnak ai khat mi cu ralzaam community pawl le ralzaam a rak phan ding poah hi cu khuate leiah kalter ding hi a tha bik in an hmuh.

An hmuh lawng siloin timhtuahnak an ngei cuahmah. A um cia cang mi thialkamter cu a fawi lo caah a phan ding mi pawl hi a tlawmbik kum 5 chung cu khuate leiah um hrimhrim ding khuakhan lairelnak an ngei cuahmah. Syrian ralzaam zong khuate leiah an kuat cuahmah cang hna.

Chin mi nih ton cuahmah mi;

  1. An ceih cuahmah liopi lawng a si rih nain  kan Laimi chung in a u le a nau bak Melbourne khua in sponsorship a tuah mi tam ngaite direct bak in reject ca an pek thluahmah cang hna.
  2. Khuate lei a ummi hmanh direct in visa pe  loin an umnak a hman maw hman lo ti an check cang. An kan kherhlai colh cang.
  3. Australia Cozah nih CRC card in  sponsorship (kawhauhnak) tuahnak nawl a kan pekmi khi  kan dirhmun a hman ti lo an theih ahcun an  ngol colh lai. 842 form a thar an remhmi ah  thutdirnak kongah a luancia kum 10 a  thutdirnak kong tial a hau. A hlan ahcun kum 5 lawng a rak si tawn. A dang zong an remh mi tete a um. Malaysia Embassy interview an tuah mi hna zong a hlan bantuk siloin aluancia kum 10 an thutdirnak an kherhlai cang hna ti kan thei. Mah ruangah an reject mi zong an um cang.
  4. Mäh he a pehtlai mi cu 2015 hnu  Malaysia a phan mi ca ko ahhin kherhhlainak an tuah deuh. a thutdirnak kong an hal  ah tha tein chim khawh lo ruangah reject a tongmi pawl khi Australia headquarter ah report an pek tikah CRC card in auhnak a tuah mi hi an si bik ti cu fawi tein an hngalh colh lai. Cu an hngalh tik ahcun CRC card in i auh khawh nak khi an dihter colh lai.
  5. Malaysia UNHCR card ai tleih mi le a ngei lo mi hna khi auhnak na tuah cun tuah ko. Na chungkhar Kawlram a um ko mi Malaysia nan auh hna i sponsorship auhnak nan tuah tikah a tlamtlin lo ahcun an nunnak hroh lawng siloin kan miphun belnang neh bantuk a si.
  6. Miphun dang nak in Chin miphun hi Australia Cozah nih a hlei in scrutiny (kherhlainak) a tuah khawh fawn. A tuah cuahmah cang ti zumhnak kan ngei.
  7. 202 (842) sponsorship mi auhnak hi kan mah Chin mi ca lawng ah tuah mi hna ah ruat hlah uh. Kumkhat ah 202 ca hi case 800 an chia theo. Cu lak ahcun case 54,000 leng nih kan sok. Cozah caah harnak a tong tak lo mi le peihtleihnak a tha lo mi mah 202 visa pek hi a fawi lo mi a si.

Lamthar kawlning (alternative solution) 

Australia lei nih lam tha bik kan ser khawh mi cu khuate lei rian umnak ah a phu phu in pem i Cozah sin ah bomhnak ca tial. Mah hi community hruaitu hna nih biatak thlak ngai in kan i ruah theo mi a si. Cu ti family a za za in kan pem ahcun Malaysia le India um mi khi kum 3 chungah a za za in kan auh khawh ve hrim hna lai.