‘Story for Kids’ Tialtu Mai Sui Lipar He Ton Bia Ruahnak [Video]

sui li par

Laimi nungak chungin, “Story for Kids” timi ngakchia ca-uk a kan tialpiak tu Mai Sui Lipar cu Faiceu nih cikkhat ton biaruahnak kan va ngeih.

Tangruk lio tein Kawl lei ah sianginn a rak kaimi Mai Suilipar cu, holh lei ah harnak a rak tong — Lai holh in rel ding ca-uk a ngei ti lo. Capar (essay) tete tial tikah, Kawl pawl nih tamtuk in a kan tei ee ati.

Kawl pawl tham cu ngakchia le upa caah ca-uk rel ding tamtuk an ngei; an hmet tein ca-uk tampi an rak rel tikah, Essay tete tial tikah tamtuk in a kan tei. Kan nih Laimi vial cu rel awk kan ngeih ti lo caah “ka lung  arak fak”, cu thok te cun, a tu ca uk tial hi kaa rak thok cang ee a ti.

Lungfahnak nih a rak phorhmi a phi chuak cu a tu ah, “Story for Kids” timi ca uk te hi asi ko ee, tiah Mai Sui Lipar nih bia ruah lio ah a kan fianh.

sui li par

Hika ah a Faiceu nih bia kan ruahnak rak zoh: 

Lai holh hmangmi thawngzamhnak nan tuah khawhmi hi, kan lawmhpi tuk hna — hmailei zongah tha chin lengmang dingin i zuam uh. Cun Media timi hi hman thiam ahcun, a thawng (Powerful) tukmi asi tiah a chim.

University of Computer, Mandalay ah Computer Science lei in, Master a kum hnihnak a kai cuahmahmi Sui Lipar hi nungak te asi nain, ca rel duhnak thinlung Lai mino nih kan ngeih khawhnak hnga a tu bantuk in thil ka tuahmi asi tiah a chim chap. Hmai lei zongah tu bantuk in ca-uk hi pehzulh in chuah lengmang ka duh ko a timi Mai Sui Lipar bantuk Nusaltha hi Laimi chungin tampi kan herh ko.