Thawhtthannak Nih A Fianter Mi

thawhthannal

Kan nih khrihfami kan zumhnak a hrampi cu Bawi Jesuh thihnak le thawhtthannak hi a si i cu bantuk in Khrih thawhtthannak kan zumhnak nih a tanglei thil hna hi a fian ter.

# Khrihfa mi nih kan zumhmi Pathian cu Pathian sawh sawh a si lo,thihnak a tei tu Pathian a si i cucaah kan zumhnak cu zungzal nunnak he aa pehtlaimi zumhnak nung a si .

# Thawhtthanak nih khrih Jesuh cu a nungmi Pathian fa a sinak kha a feh ter i  Pathian nih a thlahmi khamhtu taktak a si nak zong kha tlam a tlin ter.Zultu hna nih Khrih Jesuh a thawhtthan hlan cu an zumh ve ko nain lungaw ttawmnak le ttihnak an rak ngei.Sihmanhsehlaw Khrih a thawh hnu ah cun ttihnak anngei ti lo.Zei caah tiah thihnak le Satan tthawnnak cu tei a si cang i teinak cu zumtu hna sinah pek an si cang.

# Khrih thawhtthannak nih aa mahkhannak a pek mi cu a zumtu paoh thihnak in nunnak ah kan lan cang ti hngalhnak a si .Cu hngalhnak nih cun u le nau dawtnak tak tak kha a chuah ter.

# Pathian nih mi vialte kha ding tein bia a ceihnak lai nak kha a langhter.

Cu pin ah khrih thawhtthannak nih vawlei tuanbia chungah thil a langh ter rih mi cu .:

# Vawlei cungah hin biatak ti mi nih palhnak kha a tei zung zal.

# Tthatnak le dinnak cu tthatlo naknak in a tthawng deuh zungzal.

# Dawtnak cu huatnak nak in a tthawng deuh zungzal.

# Nunnak cu thihnak nak in a tthawng deuh.

A donghnak ah khrih thawhtthannak nun cu nihin vaw lei kan nunnak in aa thawk cangmi nunnak a si  ti hi  Paul cawnpiaknak  a si .Zeicaah tiah khrihah sual he kan thi cang i Pathian ah kan nung cang ,a nung mi cu keimah ka si ti lo khrih asi.Laimi nih thawhtthanak hi thih hnu ca lawngah kan ruah tawn.Nihin kan nunnak hi thawhtthann nunnak a si mi tei nak nun chungah kan nung ti hi khrihfa nih kan hngalh awk a si.

laimi mitin Paul cakuat rel nak cauk chungi Samuel Nung Ling Tial mi