Umhmi Nau Der Tthingttheng Nau umtu Thau Pempum

Umhmi nau der tthengtthung

Umhmi Nau Der Tthingttheng Nau umtu Thau Pempum

Hi capar a hrampi hi December 9, 2013 i Weekly Eleven Journal chungah Dr. Yanmio Thein ttialmi chungin laakchinmi ca asi. Kumli cu a liam ciami cazin le capar asi nain, cungsang upa hna thlahlawh an i pekmi hi USDP nih a tawlrelmi a rak si. Atu NLD cozah a kai cang nain, nihin tiang zeihmanh thlahlawh kongkau an zuhmi le an chapmi a umlo caah hi cazin hi i rinh peng khawh asi. Cazin ka timi cu a tanglei ah ka van langhter dingmi thlahlawh le laksawng i pekmi hi ansi.

ASIAN ram chung ah pumpak tangka lut Income a tlawm bikmi nain. TA/DA a tambik mi Myanmar ram ah leitang thilchuak a tamtuk nain, kan cozah a dotdot hna khuakhan lairel thiamlo ruangah kanram cu vawlei cung ram ah sifakbik ram kansi ko. Kan hawi innpa ram  sin ahcun, “Cepa a der a der le a eek ai ceh” timi khi kansi ko cang. Ti cungah lawng ai ciit buin a ti a haaltuk mi ram kansi ko. Hi dirhmun kansi lio ah kanram hruaitu hna laksawng an i pekmi le thlahlawh an i pekmi cu van a tawng ko cuteh. Ramdang sin ah zahpilo awk bak kansi. US President thlahlawh nak in a tangka fang cun a tamdeuh. Kan President Hotel sangpi i rawl thawthaw a eilio ah ramchung mipi cu rawlbel ti a tlok nain facang thlaak awk ngeilo kan tam chiahru cu mu. Zingzan khuasaknak ah chungkhar kan i si, kan i tthenlio ah cungsang tthu kanpu le cu a tomtom in nihlawh le thlahlawh an i pe i, an lungduh zeipaoh an i cawk khawh. Kan khuapa nih a rak sakmi hla, “minung kan i hmiahlo” timi thinlung ah a chuaktuk tawn cu teh. 2013 Kumlio ah Minister zung hi 36 a um. Vuanci 36 an um i, vuanci changtu  61 an um caah andihlak minung 97 ansi.Cun President zung ah a ttengnge 6 an chaptthan caah 42 ansi i dihlak ah 103 ansi. Ramkulh le ramtthen vuanci 14, Mahte uknak ngeimi hmun i vuanci 3 le ttanzinta ziza vuanci 4 he cun an tamkho tuk cang. NLD cozah a kaihnu in vuanci zung 22 ah an tthumh i, nizan nai in vuanci zung 2 an chap tthan caah 24 a um. Cucaah tamngai te kan tthumh anti nain thlahlawh cu USDP chan ningin an i pe tthiamtthiam ko.

Kan ram hruaitu hna thlahlawh le laksawng an i pekning cu hitihin asi.
1. President          – 5000000
2. V-President –      4000000×2
=8000000
3. Pyidaungsu vuanci –3000000
4. Vuanci chang- 2000000.
5. Pyidaungsuh sihnichoh-        3000000.
6. Election, Khungzung,Cazin chek bawi,Zathuvuan lutlai,Taya hlutdawchoh, tbk laksawng pekmi thlakhat – 3000000.
7. Cuhna a van changtu pawl ah –2000000.
8. Ramkulh le ramtthen Vuancichoh –3000000
9. Vuanci pawl –2000000
10. Tanzinta ziya vuanci- 1000000
11. MP pakhat ah 200000/- asi i, a cunglei kan langhter mi minung khi vialte caah veizat adih lai. Vuanci hi zongzat, zungkip lutlai khi lengluang, MP van Arfi zat taktak hna an thlahlawh le laksawng ca i thlachiar a dihmi cu Bawinu tiva thetse zat hrimhrim asi kolai, ti u!

Hiti a sining hin a sangbik President pathum, pyidaungsu vuanci le a dang bawizik pawl an i pekmi hna hi cozah vuantthan pawl thlahlawh he epchun usih. Vuantthan (Pyituh Vuantthan) a niambik, Piata le Durawan nih 55000/- thideng in rianhar a ttuan i a eilio ah President thlahlawh he a let  90 in an i thlau. V- president thlahlawh he a let 72, Hluatdaw chiarman he a let 63, Vuanci choh le a dangdang he a let 54 bak in an i thlau. Tangnung vuantthan cu a rian thilo nunglo a ttuanmi pin ah chapchuan le laksawng hmuhmi a ngeilo. 55000/- hmanh hi zuhmi phunphai tamtuk hoi kaw, a ningtling in a chungkhar sin a phakpi kholo. Kanpu le cu hitluk tam an hmuhmi pin ah ziknawh an hmuhmi le laksawng tete an hmuhmi hi dawrlianpi tuahnak tlaak asi fawnko.

“Thlencaan a za cang” tiin teinak a hmumi NLD nih anmah an pawkhimnak an hmuhhnu cun, cozah rianttuan thlahlawh ruam cu kaiter ai tim tilo. Ziknawh le eihmuar kandoh anti nain, dokho hleihlah, anmah chan ah a zualhma chin. Vuantthan thlahlawh a kaiterlo chung paoh cu ram hi Good Goverment, Clean Goverment cu vawlei dongh tiang asi kho lailo. Ralkap chan sining pin ah zeipipa remhmi le tthathnemnak an ngeihlei lo. “Vaipa  amah hmun lila ah laam” timi an chuak ko rih. Ram hi kan dawt taktak ahcun a tanglei in remh le sersiam, cawmken a herh.  Atu kan dirhmun cu nau a ummi le naute bantuk kansi. Cuhmanh ah nau rawl thawthaw nau umtu nih nitin eiviar i, umhmi nau rawlttam in a chia pengmi tuanbia kan hluancang. Naute a der chin lengmang nain, nau umtu cu a thau chin lengmang ai. Zeica tiah naurawl cu a thaw. Umhmi nau asimi ramchung cozah rianttuan vialte (Rank niammi pawl) kan paw i rehdih hau in kan um cang. Paw khim in chiahlo hlei ah fialchuk fialcho cu ralkap chan le Cominist uknak bang a tamchin fawn. Paw a khimlo ahcun rianttha ttuanding ah thazaang kan ngeikho tilo. Cunih cun ram dawtnak a zorter lai i, miphun dang bochannak le dinfel lonak a chuahpi chin lai, tihi kanram hruaitu sin ah theihter kan duh ko hna.

Umhmi nau der tthengtthung