A Umnak Inn Chungah A Thi Cia In Myanmar Nu Cu Hmuh A Si

Myanmar Nu

Kuala Lumpur, Pandan Indah sang ah Myanmar nu pakhat cu thah a si hnuah a thi le a hnai he a umnak inn chungah hmuh a si.

A ruak in hmuhmi Myanmar nu cu kum 40 hrawnghrang minung a si i a ihkhun cungah thi le hnai he hmuh a si, cun a hmai ah a baan ah hmape an um hna.

Hi Myanmar nu i a ruak cu Cawn Nikhatni, March 12 ahkhan Myanmar mi, a hawipa nih zaanlei sml 2: 52 hrawngah a hmuh hi a si tiah Ampang Jaya OCPD palik bawi chang Hamzah Alias nih a chim..

 “Amah [Myanmar nu] hi phone in chawnh khawh a si ti lo hnuah a hawipa hi a umnak inn ahcun a va kal. Innka zong a rak i ong dih i a chung a luh tikah a thimi a nu le a fapa bawhte a tah len cu a va hmuh”, tiah Hamzah Alias nih cun a chim chih.

Hi Myanmar nu hi ramdangmi pawl ngandamnak lei checknak tuahmi company pakhat ah rian a tuanmi a si tiah theih a si.

“Hi thil cang kong hlathlainak tuahnak caah Myanmar mi, kum 26 pa pakhat cu kan tlaih chung. Hmaizarh Cawn Nihnihni tiang kan hren chung rih ko”, tiah Hamzah nih cun a chim chih.

Ref: The Star