White House Ah Singapore PM Le U.S. President Trump Tonnak An Ngei Lai

Trump

Tu thla October 23 ah Singapore Prime Minister Lee Hsien Loong le U.S. President Donald Trump cu White House ah tonnak an ngei lai tiah White House press secretary nih Nihnihni ahkhan a chim.c

“President Donald Trump nih Singapore Prime Minister Lee Hsien Loong cu White House in October 23, 2017 ah lunglawm tein a don lai” tiah theih asi.

Cun, “American le Asia cu naihniam tein rian an tuan tinak hi kum 50 renglo a si cang bantukin atu zong ah President Donald Trump nih US le Singapore pehtlaihnak le an i hawikomhnak cu a thar in fehter than a duh”, ti zong a chim chih.

Tu tan an i tonnak ah an ceih ding mi cu chawlehnak lei pehtlaihnak, ram uk/hruainak, humhimnak le ram khat le ram khat thawng chinchin i hawikomh khawhnak ding le Indo-Pacific hmun ah US kut neh aa tel khawh ve nakding pawl hi an si lai.

Hi hruaitu pahnih hna hi Hamburg, Germany ah rak tuahmi G20 Leaders’ Summit kha adongh nak bik an rak hmuh/ton hi a si.

Cu July thla i an rak i ton lioah Mr. Trump nih “Hawikomhnak nganpi in aa theihngalmi kan si, cun hi nak ngan deuh in aa kom khomi zong kan si kho” tiah a rak chimh bel.

November thla ah Trump nih Asia tlawn aa tim, hi hlan deuh te ah Mr. Lee hi White House ah rak tlawn ding hi timhtuahpiak a si.

Trump Asia a tlawnnak dingah kal ding le pal pah ding aa timhmi ram hna cu Japan, South Korea, China, Vietnam le Philippines hi an si.

Ref: Channel News Asia

Translating by Van Nun Par (Mercyvannunpar Zathang)