Zun Thlum Zawtnak I Thawp Ningcang

Zun thlum zawtnak i thlawp ningcang

Zun Thlum Zawtnak I Thawp Ningcang

Mah tuahto ningcang te hi Zun Thlum Zawtnak (Diabetes) a ngeimi hna caah fawizaang tein le phaisa thazaang hman len hau loin tuah khawhmi a si caah hin theih cio dingah ai tlak ngai mi a si ko rua tiah ka ruah.

Kan vawleipi a lamkip in a tthancho rualrual in zawtnak phunphun zong nih van zulh dawi a si ve. Zun thlum zawtnak hi ci le kawr in ai chawnhbarh mi um a si ve ti a si. A bik in a thlum al a uar deuhmi pawl cung ah a cang tam deuhmi zawtnak phunkhat a si. Hmanhseh, vawlei a si caah zawtfahnak phunkip a um bantuk in dawtu kan Pathian nih kan caah damnak si ai ttha phuntling chiahpiak kan si ve. Nain zapi zara nih kan theih phak khawh rih lo biatu, si dawh a rak si.

Zun thlum ngeimi na si ve sicun a tanglei kan tial ning bantuk te hin tuahfawi zaangmi te hi rak hneksak ve hmanh.

Hai (mango) a zik, a hnah a no deuh mi tete kha hnah 10 – 15 hrawngin na tawh hnu ah dinti hrai (cup) pakhat hrawngin na tawih la i Bel pakhat khat chungah ti a tlawh hnu Minute 10 tianghrawng na chuan la. Mah na chuan mi haang kha a zan ah ding colh loin na daih ter la. Mah kha na chuanmi haang kha a thaizing ah zeidang thil ei supsap le zeima thil dangdang na din hlan na paw a lawn lio caan ah na dinpiak la. Mah cuticun thla hnih (2) tiang hrawng na dinpiak khawh sicun damnak na hmuh hrim kola. Mah hi ai tthathnempi tu an tam ngai cang ti a si. Ram tthatnak ummi hna caah cun tuah ciami ‘Mango Leaf Green Tea’ khi cawk fawizaang ngai siko khih.

Anfangkha (Bitter Gourd) a tlai le a hnah, cun Khuhlu fami a kha mi phun pawl (Indian Gooseberry) hna zong nih zunthlum zawtnak an damh khawh ve. A cunglei bantuk in a tuahto ningcang cu an i khat duh ko hna. Thildang damnak ding caah tuah dingmi na theih hlei lemlo sicun mah hi rak hneksak chun ve tuah.

Ch: Naturally Daily

Zun thlum zawtnak i thlawp ningcang

Photo ah theihnah tlai dangdang hna hlathlai a duhmi hna nih zohchap khawh a si.

Zun Thlum Zawtnak